Wo Jaan hoti hain

-----------------------------------------------------------------------------

	kuchh is nazar se, kuchh us nazar se
	wo bahut khoobsoorat hoti hain
	kuchh is tarah se kuchh us tarah se
	wo hamaree fitrat hoti hain


	kuchh is dagar pe, kuchh us dagar pe
	wo hamesha gatimaan hoti hain
	kuchh aise, kuchh waise
	wo hamaree shaan hoti hain


	kuchh is rastey kee, kuchh us rastey kee
	wo har rastey kee dhyaan hoti hain
	kuchh yahan, kuchh wahan
	wo har ghar kee maan hoti hain


	kuchh hare rang mein, kuchh lal rang mein
	wo har rang mein shobhaymaan hoti hain
	kuchh jeewan mein kuchh sapno mein
	wo sabke saath virajmaan hoti hain


	kuchh chaman mein, kuchh fiza mein
	wo har waqt swabhimaan hoti hain
	kuchh khushi kee kuchh gam kee
	wo har raag mein farhaan hoti hain


	kuchh gati mein, kuchh thirhan mein
	wo har chaal mein sangyan hoti hain
	kuchh bhoot kee kuchh bhavishya kee
	wo har kaal mein jyotirmaan hoti hain


	kuchh is bhasha mein, kuchh us bhasha mein
	wo har bhasha mein daan hoti hain
	kuchh inke lie kuchh unke lie
	wo kisi kee jaan hoti hain..............................	
	wo kisi kee jaan hoti hain..............................

-----------------------------------------------------------------------------

							OP Mishra
							September 2005