-------------------
		Ek
	-------------------

	Jo karm karan jatil hotey
	ve sarey bhautik hotey
	jo sahaj aur saral hotey
	ve sarey daivik hotey

	manav yun hee bhatakta hai
	jatil ganit mei ulajhta hai
	gyan itna saral hota
	wo dhai aakhar ka he hota hai

	ham kitne shabd bol jate
	kabhi pyare kuchh nirale
	kuchh milte milte aham hotey
	jab wo kavita ban jatey

	yun he hamara aakarshan hai
	roz hota hee rahta hai
	par us din kuchh nahi hota
	jab wo sahaj prem ban jata hai

	ek ras hai jo saral hai
	wo poorey poorey hotey hai
	jo jatil mishran hai
	wo adhoorey hee rahtey hain

	prakash punj bhi aisa hai
	thora naram hota hai
	par ek bindu pe simat kar
	kagaj havan ho jatey hain

	sapne bhi jab bahut hotey
	bina mayaney ke hotey
	sundar saral sapna ek hota
	jo desh diwane kar jatey

	ungli mutthi ki baat purani
	ye to dikhti rahti hai
	kabhi bandhe keshuon se bhi
	yaan kheeche jatey hain

	baat anekon kee nahi
	bahuton ko ek karney ki hai
	bikhrey wo jatil hotey
	ek karke saral karne ki hai

	ekta mein saralta hai
	saralta mein shakti hai
	jhooth ke koti rang roop
	satyamev ek ukti hai

	-------------------
	OP / 04-Feb-2008
	-------------------