Rahee ka gyaan
----------------------------------------------------------------------------------

		maine kaha roushan karney ko
		usney fouran bujha dia
		Jab maine bujhane kaha
		to usney aag laga dia

		gulshan sa aashiyana tha
		ab jalta hai mera jia
		chiraag ne chiraag ko
		jalakar hawan kia

		waqt ne kinara kia
		dost pahle hee barbaad the
		mere aangan ke charo or
		andhere hee abaad the

		dukh dikhta tha, dukh hota tha
		sab dukh hee dukh tha
		anchahe abhay bhay ka
		charo or mukh hee mukh tha

		jalkar swaha jo ho gaya
		wo musafir ka antim gat tha
		adhjale jo bach gaye
		wo aadhe adhoorey rahe

		unko dukh bhee na mila
		sukh to lut chuka tha
		jalne ke path par
		unka mazil fuk chuka tha

		ek aah thee jo atkee thee
		param shunya mein bhatkee thee
		trishanku kee bhanteee
		wo adhar mein latak chuka tha

		gurutva usey gira nahee sakta
		urdhwa weg use ura nahee sakta
		shunya paridhi mein fanskar
		astitva ka saya bacha hua tha

		aisa hee kuchh aaj jeewan hai
		bhog rah par hamara mann hai
		shakti marg par hamara tan hai
		aur savedanheen hamara dhan hai

		kaliyug mein aise hee atkan hai
		kaliyug mein aise hee bhatkan hai
		kaash ham sadhisht ho jate
		kaash ham vashishth ho pate

		chintan sansarik ban gaya hai
		vichar anant roop le chuka hai
		is bhav sagar ke madhya mein
		hamara ant ho chuka hai

		phir bhee ham jeete hain
		koshish kartey rahtey hain
		ham uthkar chal sake
		ham jalkar jala sake

		jalna jeewan kee manzil hai
		chalna jeevan kee jaan
		in anjanee rahon par
		yahee hamara gyaan
		yahee hamara gyaan….

		.................................OP Mishra